Sunday, July 20, 2008




Look "Ma, car-less Sunday! Ti car-less Sunday ket maysa nga experimental concern iti panaginut iti gasolina ken panangpabassit ti polusion iti kangrunaan a kalsada ti Baguio City, ti Session Road. Kaugnay daytoy a car-less Sunday iti programa a Walk, Baguio Walk, a panangilungalong iti pannagna dagiti empleado a mapan agtrabaho iti kada Lunes. Isuna laeng ta car-less ngarud, ngem agkaiwara met dagiti binuntuon a basura iti amin a suli ti kalsada ken eskinita gapu iti panagparikut ti siudad iti awan iti pagibellenganda gapu iti pannakapunnon ti dumpsite. Lalo la unay iti tiendaan, ayna, nagbangsit. Sapay koma ta masolbar daytoy a parikut iti kabiitan a panawen. Ken tumulong koma met amin nga umili itoy a parikut a saan ket a no sadino la ditan iti inda pagibarbarsakan kadagiti basurada. Di koma baybay-an a madadael ti siudad gapu iti basura.

1 comment:

brainteaser said...

Mayat man dagitoy a programa, Manong! Mayat ta 'Carless Sunday' ta dakkel ti matipid iti gasolina. Ken dayta 'Walk Baguio, Walk' ta saan laeng a makatipid dagiti tao, sumalun-at da pay. Nangruna inton mapukawen dayta problema iti basura. Ta baka agsakit da la ngarud met no saan a nasayaat ti angin a masay-opda! Nalpas, kaslada la nga adda ditoy Manila no kuan!

Sabali laeng ti angin dita BC. Makapaawis nga agpagna-pagna. Nangruna la ket ngarud ta adda dagita saleng a linong iti kalsada. Nagmayaten. Adayo a narigrigat a maaramid ditoy MM dagita kakasta a napipintas a programa. Ngamin, kabutbuteng met ti aglawlaw. Hayna, nalaka aya no matiempuannaka ti mannipdut, Apo. Awan pay ketdi ti adu a sidewalk nga adda linongna, maguyugoy ngarud koma dagiti tao a magmagna no nagpudot? Suerteak la bassit ta asidegak laeng iti circle ken iti UPD, adda pagpagna-pagnaak no kua. :-)

Kumanunongak man kadayta kunam, Manong, a sapay koma ta tumulong dagiti umili. Saan met ngamin a kabaelan ti ahensia ti gobierno a soloen dagiti programana. Narigat met no puro reklamotayo nga umili, pabasolentayo ti gobierno, ngem saantayo met nga ipaay ti umiso a tulongtayo. 'Wan latta no kua.

Ania diay kunada itayen? Tulong-tulong sa kaunlaran. Mayat man nga islogan. Maymayat koma pay no maaramid.

Nakaaduak manen. Hehehe. Just wanted to say I enjoyed reading your posts. Have a good day, Manong.

Sherma