Monday, September 10, 2007

TMI GLOBAL

Opisiales ti TMI Global, nagsapata




Nagsapatada ken ni Hues Jovencio F. Costales dagiti opisiales ti Timmpuyog dagiti Mannurat nga Ilokano Global idi Setiembre 8 iti pagtaengan da Atty. Nellie Olairez ken Atty. Ricardo Olairez, pasado a director ti Labor Arbiter ti Departament of Labor and Employment ti Cordillera Administrative Region.

Dagiti opisiales: presidente ni Franklin Macugay; 1st vice president ni Dr. Virginia Duldulao; 2nd vice president ni Julio Belmes; Prescillano Bermudez, sekretario-heneral; Romulo Mandac, auditor; Rodelito Ramos, business manager; ken chief information officer/web admin, Roy Aragon.

Dagiti kameng ti junta direktiba: Atty. Nole Lansangan (Isabela); Jaime M. Agpalo, Jr. (Baguio-Benguet); Freddie Masuli (Cagayan); Ruperto Manuel (Nueva Vizcaya); Errol Abrew (La Union); Pete Duldulao (Ilocos Norte); Dr. Jaime Raras (Ilocos Sur); Jaime Lucas (Pangasinan); Mindo Aquino (Isabela); Domingo Duco (Isabela); Lorenzo Tabin Jr. (Metro Manila); ken Peter La. Julian, chairman.

Legal advisers da Atty. Ricardo Olairez, Atty. Aurelio Galacgac, ken Atty. Nellie Olairez.

Ti TMI Global ket ininaw ni Teresito Tugade, tubo ti Marcos (sigud a barangay ti Dingras) Ilocos Norte ngem agnanaeden iti California, USA tapno mapatibker pay ti panagsisinninged dagiti amin a mannurat nga Ilokano saan laeng nga iti pagilian no dipay ket iti sibubukel a lubong.

“Saan a break-away ti GUMIL Filipinas ti TMI, no di ket kabinnuyogna iti panangidur-as ti kabukbukodan apagsasao nangruna ti literatura,” panangilawlawag ti presidente kadagiti nasurok a tallopulo a katao a timmabuno iti pasken.

Dagiti immatendar: Aurelio Bactad, Luna, Isabela; Ruperto Manuel, Bagabag, NV; Rodelito Ramos, Cauayan, Isabela; Franklin Macugay, Cabatuan, Isabela; Romulo Mandac, Diffun, Quirino; Rosemarie de Francia, Baguio City; Roy V. Aragon, Iguig, Cagayan; Pete Duldulao, San Nicolas, Ilocos Norte; Jaime Raras, Candon City, Ilocos Sur; Jaime Agpalo, Jr., Baguio City; Reynaldo Cadangen, Itogon, Benguet; Pedrito Sanidad, Baguio City; Virginia Duldulao, Batac City, Ilocos Norte;

Prescillano Bermudez, San Manuel, Pangasinan; Mrcedez Bermudez, San Manuel Pangasinan; Virgilio Domaloy, Sison, Pangasinan; Errol Abrew, Caba, La Union; Peter La Julian, Ramon, Isabela; Jovencio Costales, naguilian, La Union; Julio Belmes, Mangaldan, Pangasinan; Lorenzo Tabin II, Quezon City; ken Clarita Sumahit, Baguio City.

Panangilibro ken panangipatarus iti English ti kangrunaan a nakaituonan ti immatang ti timpuyog.

Kas iti suhestion ti legal adviser, Atty. Nellie Olairez, nasken nga itangsit iti sibubukel a lubong dagiti sinurat ni Ilokano tapno maammuan ti amin a suli ti lubong iti kinaadda ti puli nga Ilokano, puli a saan a paatiw no literatura laeng iti pagsasaritaan. Ket ti translation ti kakaisuna a dana a panangsibbol kadaytoy nakabitin nga arapaap.##

1 comment:

Anonymous said...

ALLA KAYO NAGADU KAYO NNGA LIGSAYEN DAN ITI LISTAAN TI MEMBERS TI GUMIL FILIPINAS!!!

LIGSAYEN DA TI NAGAN YO DIKAYOIN TON PULOS PALUBUSAN DA NGA MAKIKOMBENSION ITI GUMIL DIKAYON MAKABUYA TI NASISIKSI NGA MisS GF CANDIDATES!