Tuesday, January 09, 2007

SAYANG TI 2M PER A BUIS!

Sayang ti 2M manipud iti buis


Iti nagsasaruno nga entrance test, nakadkadlaw ti nakadakdakkel la unay a bilang dagiti examinees iti Philippine Military Academy. Ngamin, nakaluklukay la unay ti gobierno no diman ketdi managbaybay-a iti implementation dagiti rules and regulations of the organization iti AFP.

Mano ti magastos ti gobierno iti maysa estudiante ti PMA agingga agturpos? 2 million pesos manipud iti buis dagiti umili.

Ngem itay laeng 2006, 55 a beterano a kameng ti air force iti immikkat iti trabahoda. Adda pay dagiti sumagmamano a nag-AWOL tapno sumrek laeng kadagiti commercial airlines. Graduado iti PMA dagita a kameng ti air force. Pinagadal ken sinueldoan ti gobierno.

Ti 55 a bilang ket bassit no ikumpara iti dakkel a bilang iti air force iti agdama. Ngem ti expertise dagita a beterano ket mabayag, adu a panawen iti mabusbos santo maisubli wenno magatadan ti puersada. Saan a nalaka iti mangpataud ken mangsursuro iti kasta a kaadu.

Apay a napasamak daytoy? Nababa a sueldo. Ngamin agsueldo laeng dagitoy nga air force captain iti PhP 17,000.00 iti binulan. Idinto ta iti iti commercial air lines ket agsusueldoda iti PhP 80,000.00 agingga iti PhP150,000.00 iti binulan.

Iti India, nagkasapulan iti 10,000 a piloto ken 4,000 met ti China iti 2006. Dagiti air force captain ti AFP nga agmanmaneho kadagiti C130 cargo ket kabaelanda metten iti agpatayab kadagiti dadakkel nga airbus, a kas iti Airbus 320 ken 340 ken ti Boeing 777.

Agsipud ta walo laeng a tawen ti mandatory service dagitoy a nagraduar iti PMA nga air force, mabalindan iti agretiro kalpasannna ket sumrekdan iti commercial air lines. Daytoy ti maysa a rason, no apay a maikadua a kaadduan kadagiti agraduar iti academia ket sumrek iti air force.

Itoy a kaso, dipay nasubbot ti 2M a pinagadal dagitoy manipud iti buis dagiti umili. Napukawan pay ti gobierno kadagiti eksperto iti air lines.

Nalukay unay ti implementation ti rules and regulations iti organization ti AFP. Nasken koma marebisa ken mabalbaliwan daytoy iti kabaiitan a panawen. Ta no usigen a nalaing, kasla laeng metten nagbatayan laeng ti PMA tapno makasagpat iti nangatngato nga agpang ti arapaap babaen iti libre ken adu a benepisio a malak-am.

Bassit unay dayta walo a tawen a mandatory service dagiti agraduar. No usigen, panawen la dayta iti panangalada iti expertiseda. Sa kalpasanna a makasursuroda a nalaing, agikkatda metten iti serbisio.

Sayang ti 2M manipud iti buis dagiti umili.

Itoy a punto, iti sumaruno nga aldaw, saanto laengen a dagiti eksperto a kameng ti air force iti agpanaw no dipay ket dagiti kameng ti Philippine Navy a sumrek met kadagiti commercial shipping lines. Ta dagiti kapitan ti barko ti AFP ket kualipikadoda metten nga agiggem kadagiti dadakkel a luxury ships, tanker ken pampasahero a barko dagiti commercial shipping lines.

Pagdaksanna, saan a ti gobierno ti agsagaba iti nakaro no di ket dagiti umili nga agbaybayad iti nakangatngato la unay a buis. ##

3 comments:

rva said...

ay, sayang a talaga, mang jim! ti ket koma eskolaren ti goviernotayo ket dagitay nalalaing a mekaniko, tubero, welder, electrician, technicians, etc. agipatakderda iti exclusive a pagadalan a technical iti filipinas sada agipatakder kadagiti paktoria ken pabrika ti eltronic products, kotse kdpy. kasla ngay koma idiay taiwan wenno south korea. di maymayat pay koma!

ariel said...

ka jim:
nabayagen a backdoor ti PMA, idi pay nineteen kupongkupong. dagiti mabatbati ket dagiti addaan oportunidad a makabalay iti corinthian gardens, wenno dagiti awan a talaga't papananna. napintas dagiti kakastoy a post tapno no mapalagipantayo amin.

jim agpalo, jr. said...

roy: ay, ket nagsayaaten, ading roy, no kasta koma ti mapasamak... saan laeng ngata a "10M jobs" ti mapaadda ken nalabit a datayo pay ket ngata koman iti agkasapulan iti trabahador imbes a datayo iti trabahador...

ka ariel: backdoor, wen, kasta nga agpaysu ti umno a termino... kadagiti met agbayag ken agretiro, namnamaem ti nadigo a puesto kadakuada, lalo iti agdama nga administrasion nga inaladan dagiti nagretiro iti serbisio...