Tuesday, August 15, 2006

Iti Ngalay ti Dalan, Nailibay ni Aran


Apong Censio, diak maamiris ti maris ti dapo
Ti nangisit a napuoran

Lalo no agggargarakgak ti nangladam
Kadagiti kassulbod ken karrusing nga iseman

Lalo no tangad ti timid ti gikgik
Wenno ti anniniwan ni Pin Lu ket agmadyik

Iti panagtupat’ bileg ti karbengan
Agasug dagiti narissikan

Adda aya anag dagita a lintaniada
No ibulsada met laeng ti sarwada

Wen, apong, insuyatda iti kadaratan
Ti getta ti Kunnotan

Gineppasda ti puseg-arapaap
Ken rinabsut napidut a nabirokan

Dida ket koma isador ti petpet ken ketket
Dagiti ngariet ken rupanget

Ken itar-ap dagiti itta iti bigao
Tapno dagiti natudoan iti Mayo awan inda masao

Ta iti pinagayan, agkanta la ketdi ti alukap
Iti panagsabat manen dagiti dakulap

Ngem no dinto latta maigup ti digo
Iti puni ti kallaysa ti nakaabungot a nobio

Ad-adunto pay ti manglabas ken ni Aran
A nailibay iti ngalay ti dalan…

7 comments:

rva said...

manong jimmy, magustuak 'toy daniwmo ken ti dandaniwem.

nakisalipka iti komisyon ng wikang filipino? nalpas kanon ti judging itay lang.

ti adatna ta din sa met kano naipaima kadagiti hurado ti dadduma a naipatulod iti email nga entries. a pakairamanan sa daytay entrik a koleksion ti dandaniw. sayang. uray la koma consolation prize ti naigawidna. wenno uray naabak latta koma basta la ket dimmanon a limmaban. technical a problema, din sa na-retrieve ti kwf dagiti dadduma nga emailed entries.....

jfi said...

manong roy adda kadin nangabak? nakisalipak ngem diak ammo no adda mapurosna tay isalisalko.

rva said...

nalpasen ti deliberation ti judges itay aldaw (aug. 16). kas impakaammo kaniak ni asseng (ariel t.). agdamagka kenkuana (txtsam) ta isu ti napan nangsirip iti resulta ti daniw ken sarita. isu met ti nakaammuak a saan sa kano a nairaman ti entryk iti binasa dagiti jurado. nangabak ni asseng iti daniw ken sarita.

inyemailmo kadi met ti entrym?

mang jim, pasensiakan ta sabali metten ti tangtang-abenmi ditoy blogmo, hehe!

jfi said...

napanko indaw-as manong. congrats garud kenni asseng. Isu sa pay tay napadayawan idi abril.

manong jim sori simmingit kami ditoy.

jim agpalo, jr. said...

ty roy, jake...pampanunotek ngarud nga ited ken ni apong cles, ngem innalana met ti maria armida, sana ket inellekan, yos...

saanak a nakisalip kadayta a salip ta "holiday fair" ti pluma...

kadagitinto la ngatan sumaruno..

jim agpalo, jr. said...

asino kad dagitinangab-abak aya a dadduma iti kfw, roy?

ket ti met ngay palanca?

adda dagiti sumagmamano ngarud a kapluma nga agtetext nga agdamdamag no asino dagiti napagasatan kadagita a dua a salip ngem diak ammo kunak ta diak met nakisalip isu a diak nga interesado... urayen laengen a ti resultana, saan?

jfi said...

adda naawatko a txt idi rabii nga agim-imbitada iti idadar-ay iti awarding. Manong email konto kenka tay dagiti nangabak iti daniw. adda intxt ni AST kaniak. amangan no di pay mabalin nga iwaragawag iti publiko hehehe.