Saturday, July 08, 2006

DODOITSU-ILUKO

ti la ketdi madandaniwen...ngem ala pinadasko man met daytoy a porma DODOITSU

5 man a DODOITSU-ILUKO

1. Nadara a Rabii

Ti telon napisangen
Ket nadaraan ‘kamen
Ta ginalip ni manong
Pasmok a rabong

2. Nawaw ti Nabudo

Ket inkurkurnat’ budo
A kurang ni Abundio
Gineppas kanalbuong
Ti telon-basol

3. Tallo Nga Anniniwan Iti Sellag

Narga’y pempem garami
Iti anangsab ‘ti dua
Napnek dag’ti naannad
A matat’ sibeg

4. Iti Sirok ti Bangsal

Ti ungor ti dissuor
Nangawis iti puor
Ket nabukirad matat’
Lakay nabbasa

5. Misterio Iti Kasabaan

Napnekda apagbiit
Nawayadanto manen
Inton makaawiden
Sangailida

----------------------
DODOITSU daytoy ti detaliena...ngem no siak laeng met iti masurot a ket, apay a dipay la awagan met iti IDDOITSU? hehehe! ania ti makunam, kailian? ala, padasem met a...

6 comments:

ariel said...

groundbreaking, kabsat, dagitoy aramidmo. ikasam kadi latta tapno di makalipat datao. napintas, napintas!

jim agpalo, jr. said...

agyamanak unay, ka ariel, iti isasarungkarmo...muztakan?

ariel said...

nasayaat, apo. inaldaw-aldaw a sarsarungkarak amin a blog dagiti miembro ti gumil blog, kunam sa.

jim agpalo, jr. said...

ne, ket nagsayaaten, apo ariel no sarungkaram amin a gumil bloggers, hehehe! wenno mannurat bloggers... sadino kad ti yanmo iti agdama aya? idta pay US wenno addaka manen ditoy Pinas?

ala a...ket nagasat nga aldaw!

ariel said...

addaak ditoy Honolulu ita, agbayag bassit ditoy ta mangisuroak ditoy Manoa, iti departamento ti hawaiian & indo-pacific languages and literatures. ngem no maisar-ongko iti pre-nakem conference idiay UP Diliman into Setiembre, agkikitatayonto.

jim agpalo, jr. said...

ala ket wen, ka ariel, agkikitatayonto....