Sunday, August 28, 2005

PAKAAMMO TI TESDA Region I

PAKAAMMO:

Manipud iti text messages ni Ms. Djuna Alcantara, maipospon ti AWARDING gapu iti non-working holiday nga indeklara ni Pres. Gloria-Macapagal Arroyo iti kaaldawan ti Lunes. Marteston ti awarding iti alas:10:00 ti agsapa. Agkikitatayonto laengen sadiay.

No holiday, awan ti sumrek nga empleado ken trainees. Dipay ket awanen ti audience, aya, hehehe! maymayat met laeng a no adda...

Ala ngarud!

Friday, August 19, 2005

ERRATUM

Manipud iti email ni Ms. Djuna Alcantara:
--------
Jim,

Kayatmi man Apo a lawlawagan wenno aturen ti naudi nga emailmi maipanggep kadagiti consolation winners ti Sarita ti TESDA. Ni Apo Benjamin Pacris ti autor ti Asete iti Dakulap ni Apong Immanuel - ti entry a nangabak iti Pangliwliwa a Gunggona iti pasalip iti sarita ti TESDA. Paraiso ni Mang Ayyong ti sinurat ni Apo Greg Evangelista.

Para iti impormasion dagiti agbasbasa ti blogsitemo.

Agyamankami manen

-----------------
Naa, ta uray siak ket diak a nadlaw dayta.... agpadispensarkami ngarud kada apo Ben Pacris ken Apo Greg Evangelista ken kadakayo dear readers

Tuesday, August 16, 2005

Panaghurado iti Salip ti Sarita Iti TESDA-GLU

1st TECH-VOC ILOKO SHORT STORY WRITING COMPETITION
A joint project of the Technical Education and Skills Development Authority
(TESDA) Region I and the Gunglo Dagiti Mannurat nga Ilokano (GUMIL) iti La Union


The Board of Judges (chaired by 2004 Carlos Palanca Awardee Prescillano N. Bermudez,
with Edilberto H. Angco and Peter La. Julian as members) based its objective judging
from the following criteria set by TESDA Region I and GUMIL La Union:
1. Relevance to TVET (Technical-Vocational
Education and Training) = 40%
2. Plot/Story Line = 30%
3. Appeal/Impact = 20%
4. Language Usage = 10%
Total Percentage = 100%


ILOKO SHORT STORY COMPETITION RANKING SYSTEM*
*Computerized Computation of Individual Scores by the Technical Education
and Skills Development Authority (TESDA) Region I and GUMIL La Union


Entrry TITLE OF ENTRY Judge 1 Judge 2 Judge 3 Weighted Rank
1 Asete Ti Dakulap Ni
Apong Immanuel -------11.00 --5.50 -----9.00 -------8.50 (7)

2 Baro A Panirigan ------2.00 ---3.00 ----1.00 -------2.00 (2)

3 Dagiti Arapaap Ni
Lakay Belong -----------6.00 ---4.00 -----12.00 -----7.33 (3)

4 Dagiti Panuli Ni Elias
Plaridel a Pondasion Ti
Nadur-as A Masakbayan-8.00 --2.00 -----13.00------ 7.67 (4)

5 Dagiti Siit Ken Sabong
Iti Biag Ni Santing -------3.00-- 11.00 ----14.00------9.33 (11)

6 Iti Ungto Dagiti Arapaap 12.00- 5.50 ----8.00 -------8.50 (8)

7 Ni Sofia Ken Ti
Programa Ti TESDA -----15.00-- 7.00 ----4.00 ------8.67 (9)

8 No Mapunitan
‘Diay Sabangan,
Nabagas Ti Tirem! -------16.00-- 12.00--- 2.00----- 10.00 (12)

9 Pait Ken Sam-it
Ti Namnama -----------4.50 -----14.00 ---15.00---- 11.17 (13)

10 Pugon --------------13.00---- 9.00 ----5.00 ------9 .17 (10)

11 Ti Binangonda
Nga Arapaap ----------4.50----- 13.00---- 7.00 ------8.17 (6)

12 Ti Makina A Pagdaitan 7.00-- 16.00---- 16.00----- 13.00 (16)

13 Ti Paraiso Ni
Man......... ------------13.50 -----10.00 ----10.00--- 11.17 (14)

14 Ti Sangapuon A
Niog Ken Ti Sukogan
Ti Langit ------------1.00----- 1.00 --------3.00 ------1.67 (1)

15 Erwin ------------9.50 ------15.00 -----11.00 ------11.83 (15)

16 Siasi Ti Tarigagay 9.50 ------8.00 -------6.00 ------7.83 (5)


TABULATION OF WINNING ENTRIES

Rank TITLE OF ENTRY
1. Ti Sangapuon A Niog Ken Ti Sukogan
Ti Langit (ni Jaime M. Agpalo, Jr.)

2. Baro A Panirigan (ni Errol L. Abrew )

3. Dagiti Arapaap Ni Lakay Belong (ni Vicente P. Palcong)

4. Dagiti Panuli Ni Elias Plaridel A Pondasion
Ti Nadur-as A Masakbayan (ni Casimiro Is. de Guzman)

5. Siasi Ti Tarigagay (ni Julio B. Belmes)

6. Iti Ungto Dagiti Arapaap (ni Crisostomo M. Ilustre)

7. Asete Ti Dakulap Ni Apong Immanuel (ni Greg M. Evangelista)

8. Ti Binangonda Nga Arapaap (ni Lawrence D. Martin)
9. Ni Sofia Ken Ti Programa Ti TESDA (ni Danilo B. Antalan)

10. Pugon (ni Fernando B. Sanchez)

----------------------------------------------------------------------------------
Impadigo ni MS Djuna Alcantara, Presidente ti GLU ken
coordinator ti salip. Ala ngarud, kailian, analisarenyon no
kasano iti namay-an dagiti hurado.

Monday, August 15, 2005

Kenka, Metaphor Man

Kenka, Metaphor Man



ti arigengen idi, ti naitagbat a layat
dimi nalansad ti intalukatikna
ta maysa a burtia dagiti burburtia
ket ti natali a dila ti durog
tapno batokenmi dagiti latok ti bersom
ngem dimi nabatok ti perlas
a sungbat dagiti ngatangata
(anian, kunami, ngem itoy gundaway
ti kabaelan ti utek ket di kabaelan ti dila)
ketdi iti bulsat’ mugingmi agbarbarakebek
ken agtultuloy latta ti agus
ti baresbes ti pammatimi
nga ad-adda a sika ti metapora
ngem kadagiti bersom
itan ta intig-abmi’t raman salaysaymo
nariknamin ti bileg ti layat
a sika ti metapora, sika pay ti berso
sika ngarud ti metapora ti berso
sika, wen, sika a nangitagbat
ti layat tapno magsat ti puseg
dagiti di makaammot’ bagida a migrante
wen, migrantetay’ amin, metaphor man
iti lubong a gandiong, gandiong a lubong
ket wen, apay a yabagam ti lubong
a dimo met kukua, no di ket kuakua
dagiti gandiong a naibelleng laeng
iti lubong a gandiong
ti kukuam ket ‘ta bagim
lasagmo dagiti bersom
kararuam dagiti metaporam
ala, ket, purosen ken itukit latta
dagiti metapora kadagiti berso
ngem dimonto koma itagbat
a tallopulo ti metapora ken bersom
ta dikamto ket agmangisit
ken agngatangata ken agtangatanga
nga agiliw iti inudo ti rissik
dagiti metaporam ken dagiti bersom
nga ali dagiti ingpen ken essem
metaphor man, saan a mabannog
ti kararua nga agikurkur-it
kadagiti sadiwa a metapora iti dana
ti biag, ngamin saan a naited
dagiti balitok a manmansion
ken balitok a bambantay
ken balitok a karkarayan
ken balitok a baybaybay
ken balitok a dagdaga
ken balitok a law-ang
no di ken naited dagiti daniw
ken kansion a pagapitan
kadagiti metapora
ti napudpudno a biag
wen, metaphor man, saan laeng a sika
ti di nakasiray ti anniniwan
ti agdan a puraw nga ulep
iti sallukob dagiti nangato a bakud
ti seminario, no di ket adu, aduda pay
isuda dagiti nagapit met kadagiti metapora
iti daniw ken iti nobela ken iti sarita
saan a daydiay awis ti nabileg nga abut
a ridaw-sumrekan iti gandiong a lubong
ta para laeng dayta kadagiti gandiong
ta mabatinto amin a banag
iti gandiong a lubong
dagiti nagtaud iti gandiong a lubong
inton serkentayot’ maikadua nga abut
a ridaw-ruaran iti gandiong a lubong
ta rumbeng laeng nga ited ken ni cesar
ti para ken ni cesar ….
ala, ket, purosen ken itukit latta
dagiti metapora kadagiti berso
ngem dimonto koma itagbat
a tallopulo ti metapora ken bersom

ars longa vita brevis...!

Saturday, August 13, 2005

SALIP TI SARITA ITI TESDA

Ipostek man ditoy ti email ni Ms. Djuna Alcantara, presidente ti GUMIL La Union ken coordinator ti salip.


Date: Fri, 12 Aug 2005 02:16:35 -0700 (PDT)
From: Send an Instant Message "Gumil La Union" View Contact Details View Contact Details
Yahoo! DomainKeys has confirmed that this message was sent by yahoo.com. Learn more
Subject: TESDA-GLU ILOKO TECHNICAL-VOCATIONAL SHORT STORY WRITING CONTEST
To: jimmyagpaloii@yahoo.com
Jim,

Please help disseminate the official results of the contest as follows. Judging was held at the TESDA Regional Office today. Judges: Prescillano Bermudez-chairman; Edilberto Angco & Peter La Julian, members.

Major Winners:

First Prize - Jaime Agpalo (Baguio City) - Ti Sangapuon a Niog ken ti Sukogan ti Langit
Second - Errol L. Abrew (La Union) - Baro a Panirigan
Third - Vicente P. Palcong (Ilocos Sur) - Dagiti Arapaap ni Lakay Belong

7 Consolation Winners:

1. Casimiro de Guzman 0 (La Union) - Dagiti Panuli ni Elias Plaridel a Pundasion ti Nadur-as a Masakbayan
2. Julio B. Belmes (Pangasinan) - Siasi iti Tarigagay
3. Lawrence Decena Martin (Isabela) - Ti Binangonda nga Arapaap
4. Benjamin P. Pacris (Ilocos Sur) - Acete iti Dakulap ni Apong Immanuel
5. Crisostomo M. Ilustre (Ilocos Sur) - Iti Ungto Dagiti Arapaap
6. Danilo B. Antalan (Ilocos Sur) - Ni Sofia ken ti Programa ti TESDA
7. Fernando B Sanchez (Pangasinan) - Pugon

Dagiti dadduma pay a nakisalip:

Demosthenes D. Mauricio (Isabela) - Dagiti Siit ken Sabong iti Biag ni Santing
Jaime G. Raras (Ilocos Sur) - No mapunitan diay Sabangan, Nabagas ti Tirem!
Sharon Hernaez (Ilocos Sur) - Pait ken Sam-it ti Namnama
Greg M. Evangelista (Cagayan) - Ti Paraiso ni Mang Ayyong
Jobert M. Pacnis (Cagayan) - Erwin
Virginia Alejandro-Duldulao (Metro Manila) - Ti Makina a Pagdaitan

Mapadayawanto dagiti nangabak inton Agosto 30, 2005 iti TESDA Regional Compound, San Fernando City. Paset ti seremonia ti pannakarambak ti Maika-11 nga Annibersario ti TESDA .

Toy kaplumam,

Djuna
------------------------------------------------------

16 amin dagiti nakisalip, kailian...! kadagiti nangabak, nabara a kablaaw! kadagiti di napagasatan, adu pay ti kontis a sumaruno...