Saturday, June 25, 2005

KAMALIG

KAMALIG
GUMIL LA UNION: Pagtaudan Dagiti Masirib a Mannurat!



Saan laeng a naballigian a panggep iti tarigagay no dipay ket dakkel unay nga addang iti dur-asan ti pluma dagiti opisial ken kameng ti GUMIL La Union ti napasamak a Literary-Workshop nga inangay ti gunglo idi Hunio 18, 2005 sadiay Don Mariano Marcos State University Mid La Union (DMMSU). Nangrugi iti alas 9:00 iti agsapa agingga iti alas 5:00 iti malem.

“Panangisagana iti arapaap a pagtaudan koma dagiti masirib a mannurat ti GLU ti panggep daytoy a Literary-Workshop ” kuna ni Djuna R. Alcantara, presidente ti Gunglo ken sekretaria-heneral ti GUMIL Filipinas.

Iti bigat: Imbinsabinsa ni Herminio C. Calica ti “tema” ken ti “balabala.” Ni Calica ti agdama nga auditor ti GUMIL Filipinas, nagpresidente ken adviser ti GLU ken sigud kameng ti Bannawag Magazine.

Ti “risiris ken karakterisasion” ti inlawlawag ni Peter La Julian, kolumnista ti The Gazette Magazine. “Iti maysa a gunglo, nabileg latta ti kinaadda ti risiris ken karakterisasion,” kuna ni Julian, a kayatna a sawen, iti pananglagidawna ti resulta ti kallabes nga eleksion ti GF a nangiyaspinganna iti inlektiurna.

Ni TESDA Regional Director Washington M. Agustin ti kangrunaan a sangaili iti pasken ken nangilawlawaganna dagiti banag a maipapan iti Salip ti Sarita ti TESDA a binayabay ti GLU.

Nagsarita met Casimiro Is. De Guzman, ti probinsia ti Quirino, ti padasna iti panagsuratan, lalo iti kaaddan iti Bannawag.

Iti malem: Trinatar ni Dr. Edilberto H. Angco, Editor-in-Chief ti La Fernandina Update, ken Sirmata Magazine ti maipapan iti simbolismo, images ken paripirip.

Structure, dayalogo ken deskripsion, dagiti tipo ti sarita, paripirip, presentasion, point of view ti trinatar ni Jaime M. Agpalo, Jr., editor ti Tawid News Magasin.

Ni Joseph Sermonia, nag-editor ti The Voice, pagiwarnak ti DMMSU, ti nagsarita maipapan iti kritisismo iti literatura a nangibinsabinsaanna dagiti sinurat a nangbalbaliw ti gimong.

Dagiti nagatendar: TESDA Region I Director Washington Agustin, Casimiro Is. De Guzman, Hernie Calica, Peter La. Julian, Djuna Alcantara, Milagros Renon, Purisimo Lazaga, Ralph Irish Aguda, Eleber Jacla, Lydia Palaroan, Fely Dumaguin,
Danilo Caburian, Roland Almoite, Leonora Copuz, Tess Baltazar, Pablito Alcantara, Zaldy Galuz, Edilberto Angco, Joseph Sermonia, Dorris Mamuyac, Henry Tangalin, Jimmy Agpalo.

Ni Lydia Palaroan ti nangidaulo ti Nailian a Kanta ken Gumilaweng, idinto ta kararag ken ni Leonora Corpuz. Ni Purisimo Lazaga ti nangited ti kablaaw idinto ta ni Mila Reynon ti nangiyam-ammo kadagiti dimmar-ay.

Ti GLU ti kaaktiboan a GUMIL Chapter iti agdama, babaen kadagiti naynay a panangiganuatda iti seminar-workshop. ##

No comments: